ទន្លេសាប

រូបភាពដោយ អ្នកស្រី កែវ ចន្ទបូរណ៍

ទន្លេសាប^[1]គឺជាទន្លេមួយដែលតភ្ជាប់បឹងទន្លេសាប (បឹងទឹកសាបធំជាងគេនៅអាស៊ីអាគ្នេយ៍) ទៅទន្លេមេគង្គលើ  ទន្លេមេ​គង្គក្រោម និងទន្លេបាសាក់ នៅត្រង់តំបន់មួយគឺចតុមុខ ។ ទន្លេនេះមានប្រវែងប្រហែល ១០០ គីឡូម៉ែត្រ ហូរកាត់ខេត្តពោធិ៍សាត់ កំពង់ឆ្នាំង កណ្តាល និងក្រុង​ភ្នំពេញ ។ 

          ទន្លេសាបគឺជាតំបន់ដីសើមទឹកសាបដែលមានសារៈប្រយោជន៍ជាងគេ នៅក្នុងតំបន់អាស៊ីអាគ្នេយ៍ គ្របដណ្តប់ផ្ទៃដី ២៥០ ០០០ ដល់ ៣០០ ០០០ហិចតា នៅរដូវក្តៅ និងមានវិសាលភាពជាងនេះ៥រឺ៦ដង​ នៅរដូវវស្សា ។ តំបន់ដី​សើមនេះគឺជា​ប្រភពផ្គត់ផ្គង់​ជល​ផលទឹកសាបមួយនៅក្នុងប្រទេសកម្ពុជាទាំងមូល ហើយ​ប្រព័ន្ធអេ​កូឡូស៊ីនេះមានសារៈសំខាន់​ជួយដល់ប្រភេ​ទជីវៈចម្រុះផ្សេងៗជាច្រើន​ទៀត។ ជីវៈចម្រុះនេះជួយផ្គត់ផ្គង់ប្រជាជន ១/៤ នៃខេត្តទាំងឡាយដែលនៅជុំវិញទន្លេសាប និងបឹងទន្លេសាបដូចជា សៀមរាប ពោធិ៍សាត់ បាត់ដំបង កំពង់ធំ កំពង់ឆ្នាំង៕

---

[1] . សូមមើល ទន្លេសាប, វីគីភីឌាខ្មែរ។